Letste niejs:
15-02-2025
Gisteraovend waas ut dan zoe wiet......in ein bómvolle residensie in kefee de Baek, waor genne mins mier beejkós, hebbe weej dan intelik ózze nieje hoeëgheid bekind meuge make. Vors Baeksius haet op zien eige menier de nieje hoeëgheid veurgesteld aan alle aanwezige....en ik dink te meuge zegge det ut veur de meiste minse toch waal un verrassing waas wie ózze nieje hoeëgheid oet de zoegenaamde hoeëge hood teveurschien kwaam.
Dames en hiëre...heej is hae dan....ózze hoeëgheid veur ut jaor 2025 is gewaore..............................Prins Dave 1e (Dave Vannisselroij)
12-02-2025
En auk dit jaor hebbe weej as VG de Baekvaegers weer unne primeur te melden, en det is.........
Ós eige merk beer !!!!!
Ut nog onbekinde....maar binnekort Venloosberoemde "Baekvaegersbóch". Dit zal door ózze nieje hoeëgheid kado gegaeve waere aan alle hoeéghede waor weej op resepsie gaon. Dus beste minse...hald ut in de gate.
04-02-2025
Beste minse, ut is weer bijna zoe wiet, de nieje Hoeëgheid steit te trappele um zich bekind te meuge make. Maar veur det det meug heb geej allemaol nog de meugelijkheid om te rooije wae ut zal waere. Geej kint beej Rick en Wobkje aan de bar doorgaeve waej ut volges óg zal waere, ut leuke is det geej heej ein klein prieske mei kint winnen. De koste veur ut rooije zien slechts € 1,00.
18-02-2024
Tiejes ut hieringschelle (de aafsloeting van dit vastelaovendseizoen) in kefee de Baek, hebbe weej as VG de Baekvaegers ózze hoëgheid Prins Bas I meuge verrasse met ein blievend aandinke aan deze geweldige Vastelaovend. Prins Bas I woort gepreeze veur zien enthousiasme, ziene inzet, zien waanzinnige oetstraoling, en de geweldige menier waorop hae ós as Vastelaovend Gezelschap de Baekvaegers haet vertegenwoordigd beej diverse aktiviteite. Prins Bas I kreeg oet hande van ut bestuur ein brónze beeldje euverhandigd.
08-02-2024
Dames en Hiere, kómmende zondaag, Vastelaovendzondaag, is vanaaf 16.11 oor de resepsie van ózze hoeëgheid Prins Bas I
Weej haope det geej in groëte getale kömp opdaage in ós residensie Kefee De Baek.
26-01-2024
Dao isse dan......de nieje prins van VG de Baekvaegers.....Bas 1e.
Bas is eine gaer gezeene gast in kefee de Baek, lid van spaarkas ut Baekske, en lid van VG de Baekvaegers. Bas is same met zien San woenachtig in de Venlose binnestad. Vergaet neet um Bas 1e te komme fillicetere op zien resepsie die gehalde wuurd op Vastelaovend zondaag in kefee de Baek.
05-01-2024
Leef minse, t is weer bijna zoever....wae wuurd de nieje Baekvaegersprins ????
Vanaaf vandaag kint geej allemaol meidoon aan t , inmiddels "Baekberoemde" prinserooije..... beej Rick en Wobkje aan de bar kint geej doorgaeve wae geej dink det t wuurd, deilname kos og eine euro (per naam) , maar geej meug zoevuul name opgaeve as det geej zelf wilt. Weej gaeve og alvast eine hint,,,,,,,,,,t wuurd neet Peter 3e.
25-08-2023
Leef leeje en nieje leeje,
As Baekvaegers gaon weej kòmmende Vastelaovend met vuul joeks en jen weer meidoon aan de Venlose Optoch, dit wille weej gaer doon met zoevuul meugelijk joeksige minse um òs haer.
Ut Jocus motto van kòmmend jaor is bekind en òs optochkemissie haet al ut ein en ander oetgedach um òs snuutjes te laote pronke in de Venlose Optoch. Det kinne weej neet allein en daorum hebbe weej òg extra hendjes heej beej nuudig.
Weej haope dan auk det geej zin heb in un paar gezellige creatieve aovende onder leiding van òs optochkemissie. Dees datums waere nog bekind gemak.
Definitieve inschrieving beej kefee De Baek op de volgende datums:
Donderdaag 28 september 2023 tusse 19.00 en 21.00 oor.
Zaoterdaag 30 september 2023 tusse 15.00 en 18.00 oor.
De kosten per persoen bedrage 75,00 euro, det is inclusief de 11,11 euro contributie veur de Baekvaegers.
(Veur kinder zien de kosten aafhankelijk van de maot)
Dit bedraag is te voldoon beej inschrieving, dit kin middels contante betaling of via ein tikkie.
Weej zien op zeuk naor òg, want zonder òg kinne weej dit neet............
Gaer zeen weej alle bestaonde leeje, maar zeker auk nieje leeje op 28 of 30 september beej kefee De Baek.
Weej hebbe d'r zin in, en haopelijk geej auk.
24-06-2023
Oetstapje van de Raod waas zeer geslaagd......
15-05-2023
Beste Baekvaegers,
Misschien waat vruug maar weej zien al bezig met ut kòmmend vastelaovesseizoen.
Geer wille weej òg heejbeej betrekke en òg vraoge um efkes actief met òs mei te dinke😁
Ut motto van Jocus 2024 is: Uig dao!
Bedingk ens waat weej òs kinne aandoedele en kom met waat leuke ideeje💡
Deze kint geej beej Kefee De Baek aan de bar inlevere. Let op, wal veur 25 juni a.s.📌
Weej haope op ein actieve deilname!
We zoéle ut leuk vinde um volgend jaor met eine gruttere groep d'n optoch te kinne meiloupe, dus kint ge nog minse die interesse hebbe meld det dan veural aan de bar beej Kefee De Baek.
Optochcommissie De Baekvaegers🎉
24-02-2023;
De vastelaovend 2023 zit d'r weer op. Wat hebbe we met zien alle genaote van die prachtige daag in ós stedje van Lol en Plezeer.
Weej as Baekvaegers kieke truuk op eine geweldige vastelaovend, diverse resepsies en zittinge bezóch, unne geweldige optoch gelaupe, met ein moeie registrasie op L1 en neteurlik os eige resepsie in kefee de Baek. Beej deze wille weej dan auk Rick en Wobkje wederom hertelik bedanke veur eur gastvreejheid en zurg. Maar neet te vergaete, kommende zondaag gaon weej nog iers Hieringschelle beej kefee de Baek. Minse.......hertelik bedank veur óg beejdrage aan dees moeie daag. Tot volgend jaor !!!!
03-02-2023:
Vandaag is hae dan intelik bekind gemak door ozze Vors Baeksius, nao waeke van gissen en prakkezere door de minse binnen de Baekvaegers en neteurlik in kefee de Baek, is hae dan noow bekind. Nemes haet um beej ut prinseraoje geraoje..........
Vanaaf vandaag is Prins Peter 2e nieje (en taeves alde) Hoeëgheid beej de Baekvaegers. De kómplete Prinsekemissie binne de Baekvaegers vónd unaniem det hae ut auk dit jaor meus waere. In zien ierste ambtsperiode haet hae, as Prins Peter 1e, slechts 2 activiteite kinne meimake umdet hae, waarschienlijk as ein van de ierste Venlonaere, geveld waas door Corona. Daorum wuurd um dees twieede periode gegunt. Maak d'r eine joeksige Vastelaovend van dit jaor.
31-01-2023:
Dit jaor gaon weej d'r weer gans veur, nao ein paar jaor niks te meuge, gaon we dit nieje vastelaovendjaor weer los.
Ozze nieje hoegheid haet d'r zin in en steit te trappele um gepresenteert te kinne waere. Auk os optochkemissie haet neet stil gezaete en haet veur alle deilnemers die zich hebben op gegaeve en prachtig pekske gemak. De Baekmobiel steit auk weer te glimme en is nog noeits zoe schoen gewaes. Dus veur de Venlose optoch zien weej mier dan klaor. Um aan te sloete beej ut motto veur deze optoch, wat bedach is door Jocus, "Good veur 't gemood" . Hebbe weej veur ozze groep ut motto: "Weej zette de bleumkes boete"
gekaoze wat natuurlijk prachtig aansluut beej ut motto veur d'n optoch.
