V.G. de Baekvaegers is nog ein relatief jongk vastelaovesgezelschap, weej zien opgericht op 11 november 2017. 

In ut letste jaor det Lenie (Hofmans) eigenaer/oetbater van de Baek waas, woord d'r op ut ind van de Vastelaovend door ein paar minse geopperd um ein Vastelaovesgezelschap oet de grond te trekken, dees minse hebbe van eur idee waorheid gemak, en zoë is ut Vastelaovesgezelschap ontstaon.  Zoë wie al verteld, is ut idee ontstaon in kefee de Baek beej minse die meistal ut kefee in de late eurkes meuste laegvaege en waas dan auk gauw de naam Baekvaegers gebaore. In de laup van tiëd kwame dees minse d'r trouwes achter, det ut vastelaovesgezelschap neet ein gewoen vastelaovesgezelschap waas. Zoë woord d'r beslaote det beej ut oetroope van unne Prins, alle aandach auk naor de Prins meus gaon en d'r dus  gen adjudanten zouwe komme. Taeves meus de nieje hoeëgheid eine bekinde oet de Baek zien en daorum dus lid meus zien van...of de Baekvaegers of van de spaarkas Ut Baekske, effe later woord d'r verder beslaote det de minse die de vereiniging ein werm hert toedrage (os sponsore), auk tot deze selekte groep woorte toegelaote. V.G. de Baekvaegers is sinds kort auk lid van BCL (Bond van Carnavalsverenigingen in Limbrug).

In de jaore det we noow bestaon hebbe weej eine geweldige greuj mei gemak, en weej zien noow dan auk un hiele actieve vereiniging, met diverse activiteite.....